Mbrëmjen e kaluar, ambasadori rus në Turqi, Andrei Karlov u qëllua për vdekje ndërsa mbante një fjalim në një ekspozitë pikture në Ankara. Atentati u krye nga efektivi i policisë 22-vjeçar, Mevlut Mert Altintas, i cili më pas u eliminua nga policia.
Së fundmi është publikuar edhe video e plotë e momentit të atentatit. Në të, duket qartë momenti kur Altintas qëndron pas shpinës së ambasadorit dhe lëviz lirisht, ndërsa nuk ka punonjës të tjerë sigurie.
Në një moment, 22-vjeçari pozicionohet në anën e majtë të videos, pas shpinës së përkthyesit të ambasadorit, ku duket edhe momenti kur ai nxjerr armën, pa rënë në sy.
Pak sekonda më pas, dëgjohen të shtënat, ndërsa për shkak të kaosit të shkaktuar, nuk shihet mirë çfarë ndodh.
VIDEO E RE +18 – PAMJE TË RËNDA/ Ekzekutori dhe ekzekutimi i ambasadorit rus në Ankara
