Mbrëmjen e se hënës u mbajt një koncert për gazetaren dhe ish-banoren e “Big Brother” Adelajda Xhamani.
Në koncertin humanitar u mblodhën emra të njohur të artit e muzikës. Në fund të tij u dha një bursë shkollimi për një vajzë që si Adela ëndërronte kryeqytetin. Arbana ka qenë ndoshta e para nga të gjithë të tjerët që u njoh me Adelën dhe me sfidën e saj të madhe kundër mentalitetit.
Arbana nisi prezantimin e koncertit duke rrëfyer një kujtim të sajin me Adelën.
Moderatorja u shpreh se me të ndjerën u takua 2 ditë përpara nisjes së “Big Brother 2”. Ato u takuan në dhomën e hotelit ku konkurrentët mbyllen përpara nisjes së emisionit.
“Trokita në derë dhe ma hapi Adelajda. S’kisha parë vajzë më të bukur se sa ajo asnjëherë më parë. Ishte shumë e frikësuar. Dhe gjithë kohës më përmendte faktin se askush nuk e dinte se çfarë kishte hequr për të ardhur deri këtu dhe as vetë nuk e dinte se çfarë sfide të madhe kishte ndërmarrë. Adela ishte banorja më e frikësuar që kisha njohur por si për ironi, i gjithë edicioni i dytë mori emrin e saj” –u shpreh Arbana.
Ajo theksoi edhe një herë mes lotëve që mezi i mbante teksa fliste se Adela ia arriti misionit të saj për sa kohë ishte gjallë. Dhe mesazhi më i fortë që ka lënë pas ka qenë pikërisht ai i të jetuarit të momentit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
