Pas fjalës së Lulzim Bashës, takimi i opozitës vazhdoi me dyer të mbyllura.
Mësohet se gjatë takimit, kanë raportuar drejtuesit e Grupeve të Punës që ka ngritur opozita në kuadër të aksionit opozitar: Alibeaj, Salianji, Tabaku dhe Luan Rama.
Ndërkohë, pas mbledhjes, Kryetarja e LSI-së, Monika Kryemadhi, tha për gazetarët, se katër grupet e punës bënë një raportim të qartë të situatës dhe problematikave.
Kryemadhi u ndal në fjalën e saj tek vettingu i politikanëve të cilën e vlerësoi si të vetmin mekanizëm që ndan krimin nga politika. Sipas saj Rama ka mbetur i vetëm dhe ndjehet në situatë të vështirë duke theksuar rëndësinë e bashkimit të opozitës. Aksioni opozitar është mëse i qartë, ka thënë ajo, opozita po pret nëse Rama është pro apo kundër vetingut.
Kryemadhi paralajmëroi një axhendë të ngjeshur, sidomos dhe për gazetarët.
”Më e rëndësishme është që axhenda e opozitës do jetë aktive dhe e pabesueshme jo vetëm për qeverinë, por edhe për ju gazetarët. Do ketë axhendë surprizuese”, u shpreh Kryemadhi.
https://www.facebook.com/KryemadhiMonika/videos/1912323175473492/
