I ndodhur në takimin e radhës në Durrës, kryetari i Partisë Demokratike, Lulzim Basha ka folur sërish me emra duke bërë publike fakte të cilat mbahen të fshehta.
Akuzat e Bashës kanë vijuar më tej duke u pëqëndruar dhe në mungesën prej disa ditësh të kryeministrit Rama.
Ai ka theksuar se Rama mendon të bëjë edhe një tjetër vjedhje me ligj.
Ashtu sic edhe ishte paralajmëruar disa ditë më parë nga mediat, Basha tha se Rama ka premtuar truallin e konsullatës tonë në New York, për kullë në këmbim të një mini siperfaqe edhe për zyrat e konsullates.
“Rama kapet duke vjedhur me ligj dhe zhduket 5 ditë në New York, dhe atje po mendon të bëjë një tjetër vjedhje me ligj. Të vjedhë territorin e konsulatës në New York dhe të ndërtojë kullë”, është shprehur Basha.
Ndërkohë lideri i opozitës ka sjellë në vëmendje dhe sasinë e drogës, rreth gjysmë ton droge, të sekuestruar në Maminas.
”Ata që garantuan Xibrakën, garantuan edhe drogën e Maminasit. Ai që garantoi Toyota Yaris i përket këtij grupi parlamentar që janë kthyer në kërcënim serioz për stabilitetin e vendi dhe eksportues të drogës në Europë dhe SHBA”, është shprehur Basha.
Ndërkohë, kujtojmë që kryeopozitari ka paralajmëruar se duke nisur që nga dita e nesërme, do të bëjë publike fakte tronditëse sesi Rama dhe ministri i tij kanë përdorur pushtetin në lojërat e fatit.
”Numri i lojrave të fatiti është rritur nga 928 në 4200. Pyesni Agron Xhafaj dhe Olsi Ramën, ose nëse këta nuk jua japin një përgjigje pyesni vëllezërit e tyre në pushtet.’‘ ka thënë Basha.
https://www.facebook.com/lulzimbasha.al/videos/267302293917546/?hc_ref=ART8Z3PhUlV2nUkcdIwW9RaTUyutCACukGMr5XHrjJPlnQC_389d94Z3pk_pLMGCbqU&__xts__[0]=68.ARBfgDyTKOdZ2V2Zj3inSFnRZ3BfDT9ePyWeY9zMLNBFLiTiQ6Obg0OJlXtEo4iSsPiXPjSJOIvlLnsS_YYAJSs4QP1_HoJOJzX8dpRf5cvTwqfijjs3xzockZ0irCO-GZtkqZchUiR2T_9p8yDBSWXYJaBDWLaD6doOzYgfwJ8Z5D6GHvwk&__tn__=kC-R
