Partia Demokratike denoncoi sot mungesën e faktorëve të nevojshëm në QSUT për kurimin e 300 pacientëve të prekur nga hemofilia.
Por, QSUT në një reagim të saj, mohoi të kishte mungesë medikamentesh duke i quajtuar akuzat e PD të pavërteta.
‘Faktori 7, 8 dhe 9 është shpërndare dhe vazhdon te shpërndahet për pacientet qe kane nevoje për te, sipas përshkrimeve ne receta te mjekeve hematologe ne QSUT”, thoshte QSUT në reagimin e saj.
Por, menjëherë pas kësaj, deputetja Orjola Pampuri ka bërë publiket mesazhet e pacientit i cili thotë se nuk e ka marrë medikamentin.
“Si gjithnjë e vërteta dhemb, por kur e vërteta është në ndihmë të qytetarëve ajo duhet të përvëlojë. Faktet hedhin poshtë çdo iniciativë për të baltosur të vërtetën e të palarat që u dalin në shesh nga shëndetësia e dështuar e këtyre 5 viteve. Ja njëri prej pacienteve me hemofili i cili endet në mëshirë të fatit, duke kërkuar faktorin, që nuk mundet t’ia sigurojë QSUT. Shpresën e fundit e ka gjetur tek ministrja e cila, është e zënë me shpërndarjen e librave e raste të tilla nuk i vlerëson si prioritare. Edhe pse nuk është kjo zgjidhje. Zgjidhjen e jep sistemi i cili sot është në dorë të koncensionarëve korruptive”, shkruan Pampuri në rrjetin social Facebook teksa publikon edhe mesazhin e dërguar.
FOTOT
