Ish-ministri i Drejtësisë, Ylli Manjani ka shkruar lidhur me vrasjen e 42 vjeçarit Alket Muhaj në Memaliaj.
Sipas Manjanit, u vra ai që foli dhe jo ata që bëjnë krimin.
“Denoncoi mbjelljen e hashashit. As emër e as mbiemër denoncoi. Thjesht faktin që në x vend ka hashash. Kaq!”, shkruan Manjani.
Ndërkohë sipas tij, Vettingu nuk mjafton, duke shprehur frikën se edhe burgu është pak për këtë takëm të poshtrish dhe maskarenjsh që drejtojnë.
Postimi i plotë:
Forca e ligjit vret me snajper!!!
Dikush që informoi Policinë për një krim, të organizuar madje, u vra!
Me snajper. Në mes të operacionit “Forca e ligjit”.
U vra ai që foli, jo ata që bëjnë krim! Denoncoi mbjelljen e hashashit. As emër e as mbiemër denoncoi. Thjesht faktin që në x vend ka hashash. Kaq!
E vranë vetëm pse foli!
Le ta zëmë se nuk e qëlloi policia, por “qëlluesi” ka marrë informacion nga Policia mbi denoncimin e viktimës…
Krim e shkuar krimit të organizuar!
Çfarë duhet të ndodhë më shumë për të kuptuar se ç’polici kemi?!
Kush e besojë dot sot Policinë pas kësaj?! Për të denoncuar krime jo e jo!
Ah, ndjesë! Sondazhi thotë se “populli do më shumë se çdo gjë tjetër policinë”. Po po biles populli nuk do as veten sa do policinë!!!
Pushta pa kufinj!
Vettingu nuk mjafton, jo! Po kam frikë se edhe burgu është pak për këtë takëm të poshtrish dhe maskarenjsh që drejtojnë…
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
