Një 44-vjeçar ka ndërruar jetë në vendin e punës në qytezën Salgareda në Treviso të Italisë.
Shpejtim Gashi, i cili jetonte dhe punonte në Itali, u shtyp nga një makinë robotike, teksa po punonte në kompaninë e mobiljeve “3B” në qytezën Salgareda.
Sipas Treviso Today, dhe pse zjarrëfikësit dhe kolegët kanë arritur pas alarmit të nisur nga kolegët e viktimës, ata nuk arritën ta shpëtonin 44-vjeçarin.
Shpejtim Gashi jetonte me familjen, gruan dhe tre fëmijët në Ponte di Piave të Trevisos.
Ka qënë dhe vetë kompania ajo e cila ka bërë një sqarim publik për mediat. Kompania thotë se Gashi në momentin që ka humbur jetën ka qenë në një vend që nuk lejohej, ndërsa dita e sotme ka qenë një ditë pushimi për të gjithë punonjësit e kompanisë.
“Me trishtim të thellë njoftojmë se pas një aksidenti ka ndërruar jetë punëtori ynë Shpejtim Gashi. Hetimet janë duke u zhvilluar nga autoritetet kompetente për të përcaktuar shkaqet e aksidentit dhe rindërtimin e ngjarjes tragjike”, thuhet në njoftimin e kompanisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
