Rita Ora shpjegoi sonte gjatë koncertit në Tiranë arsyen se pse kishte ngjyrosur me të kuqe flokët.
Ajo iu drejtua turmës në sheshin ‘Skënderbej’ dhe tha: “Faleminderit që më lejuat të performoj para jush. I kam flokët e kuqe se jam në Shqipëri.”
Këngëtarja me famë ndërkombëtare e thekson vazhdimisht kombësinë e saj shqiptare ndërkohë që Kosova e zgjodhi pak vite më parë edhe ambasadore nderi të këtij vendi.
Rita e nisi performancën me hitin e saj “Your Song”. Ndërkohë sheshi është i mbushur plot nga publiku shqiptar që po ndjek divën e muzikës.
Ky është koncerti I saj I dytë në Tiranë. Koncerti I parë u mbajt më 28 nëntor 2012 në sheshin nënë Tereza me rastin e 100 vjetorit të shtetit shqiptar.
