Një biznesmen shqiptar i dënuar në Shqipëri për evazion fiskal është arrestuar në Angli, me qëllim ekstradimin drejt vendit tonë.
Sipas dokumenteve të gjykatës “City of Westminster Magistrates’ Court”, të siguruara nga Top Channel, Armando Xeka, 33 vjeç, është arrestuar në bazë të një urdhër-arresti ndërkombëtar të lëshuar nga Interpol Tirana.
Para gjykatës në Londër është bërë e ditur se Xeka është dënuar nga Gjykata e Tiranës me 4 vite e 6 muaj burg, pasi është shpallur fajtor për përfshirje në një skemë evazioni fiskal dhe fshehje të të ardhurave në bashkëpunim.
Sipas të njëjtave dokumente, Armando Xeka kishte hyrë ilegalisht në territorin e Mbretërisë së Bashkuar.
Autoritetet britanike po ndjekin procedurat ligjore lidhur me kërkesën e Shqipërisë për ekstradimin e tij.a.b
