Një zjarr ka rënë mbrëmjen e kësaj të hëne në një pallat 30-katësh në Golem, një nga ndërtesat më të larta në bregdetin e Durrësit.
Sipas informacioneve paraprake, flakët kanë përfshirë një apartament në pallat, ndërsa në vendngjarje kanë mbërritur menjëherë shërbimet zjarrfikëse.
Burimet bëjnë të ditur se ekipet e emergjencës po hasin vështirësi në ndërhyrje për shkak të lartësisë së objektit, ndërsa po punohet për lokalizimin e flakëve dhe parandalimin e përhapjes së tyre në apartamentet e tjera.
Shkaqet e zjarrit nuk dihen ende dhe pritet të zbardhen pas përfundimit të hetimeve.m.k
