Një 23-vjeçar i shpallur në kërkim ndërkombëtar nga autoritetet italiane është arrestuar në Durrës, në kuadër të një faze të re të operacionit ndërkombëtar të koduar “Fast”.
Sipas Policisë së Shtetit, operacioni u zhvillua nga Sektori për Kërkimin (FAST Albania) në Drejtorinë e Forcës së Posaçme Operacionale, në bashkëpunim me shërbimet e Drejtorisë Vendore të Policisë Durrës dhe homologët italianë, pas shkëmbimit intensiv të informacionit ndërmjet Interpol Tiranës dhe Interpol Romës.
Gjatë operacionit u lokalizua, u kap dhe u arrestua provizorisht, me qëllim ekstradimin në Itali, shtetasi me iniciale Latif Biba, 23 vjeç.
Sipas policisë, ndaj tij Gjykata e Breshias ka lëshuar në muajin mars 2026 urdhër arresti për veprat penale “Prodhimi dhe shitja e lëndëve narkotike” dhe “Grupi kriminal në fushën e trafikimit të lëndëve narkotike”, të parashikuara nga Kodi Penal italian.
Autoritetet shqiptare bëjnë me dije se Interpol Tirana po vijon bashkëpunimin me Interpol Romën për përfundimin e procedurave të ekstradimit të 23-vjeçarit drejt Italisë.a.b
