Kryeministri Edi Rama prezantoi sot dy dokumente në një mbledhje të zgjeruar me Grupin Parlamentar të PS-së dhe kabinetin qeveritar. Dy dokumentet do të udhëheqin punën e qeverisë gjatë mandatit të katërt, tha ai.
Rama tha se dokumenti i parë është një strategji për “kthesën” që duhet të garantojë mandati i ri qeverisës, ndërsa i dyti përcakton mënyrën se si Partia Socialiste duhet ta mbështesë këtë proces.
Sipas Ramës, ndjenja e mosmirënjohjes nga qytetarët është një përjetim që mund ta kenë pasur të gjithë drejtuesit, por theksoi se kjo duhet të shërbejë si nxitje për reflektim dhe jo si arsye për t’u larguar nga përgjegjësitë ndaj publikut.a.b
