Një aksident i rëndë rrugor është regjistruar në aksin Mollas–Gostimë, në territorin e bashkisë Cërrik, ku si pasojë kanë humbur jetën dy persona.
Sipas informacionit paraprak të Policisë, në aksident janë përfshirë dy automjete, njëri me drejtues shtetasin S. M., 38 vjeç, dhe tjetri me drejtues shtetasin Q. Ç., rreth 63 vjeç.
Për shkak të përplasjes, kanë humbur jetën drejtuesi i automjetit Q. Ç. dhe pasagjeri që udhëtonte me të, shtetasi D. T., rreth 22 vjeç.
Nga aksidenti ka mbetur i plagosur edhe drejtuesi i automjetit tjetër, S. M., i cili është transportuar në spital dhe ndodhet nën kujdesin e mjekëve.
Në vendngjarje kanë mbërritur shërbimet e Policisë dhe grupi hetimor, i cili, nën drejtimin e Prokurorisë, po kryen veprimet procedurale për të zbardhur rrethanat dhe shkaqet e plota të aksidentit.m.k
