Biznesmeni Eral Myftaraj është paraqitur këtë të hënë në ambientet e Prokurorisë së Posaçme Kundër Korrupsionit dhe Krimit të Organizuar (SPAK) pasi po hetohen disa tendera të Agjencisë së Parqeve dhe Rekreacionit.
SPAK po zhvillon investigime mbi një sërë procedurash të prokurimit publik të realizuara nga Agjencia e Parqeve dhe Rekreacionit (APR), në varësi të Bashkisë së Tiranës. Në këto procedura, Myftaraj rezulton të ketë marrë pjesë si operator ekonomik dhe në disa raste edhe si fitues i tenderëve.
Deri më tani, SPAK nuk ka dhënë një njoftim zyrtar mbi objektin konkret të marrjes në pyetje.
Eral Myftaraj është përmendur më herët edhe në çështje të tjera hetimore. Disa kohë më parë, emri i tij u përfshi në një dosje ku pretendohej se ishte shantazhuar nga një grup kriminal në lidhje me tenderë publikë. a.b
