Momenti i goditjes në kokë nga policia i protestuesit
Policia nuk u përmbajt sonte por sulmoi me gaz lotsjellës selinë e PD në Tiranë duke sjellë pasoja shëndetësore për shumë protestues që ndodheshin atje. Dy deputetë të PD, Belind Këlliçi, Luçiona Boçi dhe Klevis Balliu u gjendën me ndërlikime shëndetësore.
Përfaqësues të opozitës deklaruan se gjatë protestës së kësaj të premteje policia ka përdorur plumba gome ndaj qytetarëve.
Kandidatja për deputete e Partia Demokratike e Shqipërisë në qarkun e Shkodrës, Senada Mehmeti, deklaroi se është qëlluar me plumb gome në kokë ndërsa ndodhej në rreshtin e parë të protestuesve, gjatë kohës që kryetari i PD-së mbante fjalimin.
Sipas saj, nuk ka kryer asnjë veprim të dhunshëm dhe goditja, siç pretendon, mund të ketë ardhur nga lartësia e godinës së Kryeministrisë. Mehmeti u shpreh se, pas marrjes së ndihmës mjekësore, do t’i bashkohet sërish protestës.
Për këtë ngjarje reagoi edhe kryetari i PD-së, Sali Berisha, i cili akuzoi policinë për tejkalim të kompetencave dhe paralajmëroi pasoja për përgjegjësit. Ai theksoi se protesta do të vijojë dhe se kjo përplasje shënon një fazë të re të reagimit opozitar.
Gjatë tubimit u raportua edhe për një incident tjetër, ku një protestues humbi ndjenjat. Në pamjet e shpërndara në rrjetet sociale, ai shihet i shtrirë në rrugë, ndërsa përreth tij ndodhen protestues dhe deputetë të PD-së që përpiqen t’i japin ndihmën e parë deri në mbërritjen e shërbimit mjekësor.
Ndërkohë, përplasjet mes protestuesve dhe forcave të rendit vijuan edhwbpara xhamisë duke mbushut me gaz ambientet e saj ndërsa besintarë të shumtë po luteshin.
Një i ri u qëllua në kokë me bombolën e gazit nga një polic duke i shkaktuar dëmtime. a.b
