Ka përfunduar numërimi i votave për zgjedhjen e kryetarit të degës së Partia Demokratike në Lezhë, duke nxjerrë fituese Donika Ndojn.
Sipas rezultatit përfundimtar, Ndoj ka siguruar 571 vota nga anëtarët që morën pjesë në proces, duke u zgjedhur kështu në krye të degës për mandatin e ardhshëm. Në vendin e dytë u rendit Salvator Kaçaj me 442 vota, ndërsa kandidati i tretë, Paulin Marku, mori 172 vota.
Procesi i votimit u zhvillua në një atmosferë të qetë dhe me pjesëmarrje të konsiderueshme të anëtarësisë, të cilët ushtruan të drejtën e tyre për të përzgjedhur drejtuesin e ri vendor.
Pas mbylljes së numërimit, komisioni përkatës shpalli rezultatin, duke zyrtarizuar Donika Ndojn si kryetaren e re të degës së Partia Demokratike në Lezhë. a.b
