Vendi i aksidentit
Një makinë humbi drejtimin dhe ra nga mbikalimi i Dalanit duke shkaktuar një viktimë dhe 3 të plagosur.
Një vajzë 18 vjeçe që ndodhej në makinë humbi jetën ndërsa dy kalimtarë u plagosën. Në gjendje të rëndë është edhe drejtuesi i mjetit.
“Rreth orës 22:15, të datës 15.01.2026, te ura e Dajlanit, në lagjen nr. 4, automjeti me drejtues shtetasin A. Xh., 26 vjeç, banues në Fier, ka rënë nga mbikalimi.
Si pasojë e aksidentit, ka ndërruar jetë pasagjerja, shtetasja V. G., 18 vjeçe, ndërsa janë dëmtuar drejtuesi i automjetit, shtetasi A. Xh., si dhe dy këmbësorë, shtetasit T. T., 33 vjeç, dhe A. M., 35 vjeç, të cilët ndodhen në spital nën kujdesin e mjekëve”, njoftoi policia e Durrësit.
Grupi hetimor ndodhet në vendngjarje dhe po punon për sqarimin e plotë të rrethanave dhe shkaqeve të aksidentit.
