Policia është vënë në kërkim të një personi me inocialet E. Sh., 43 vjeç, banues në fshatin Barç, Korçë. Ai dyshohet se ka kryer marrëdhënie seksuale me një vajzë të mitur 16 vjeçe.
“Ai akuzohet për veprën penale “Marrëdhënie seksuale ose homoseksuale me të mitur”(ka kryer marrëdhënie seksuale me një shtetase të mitur 16 vjeçare).
Veprimet procedurale me të miturën, janë kryer në prezencën e psikologut, prindit dhe përfaqësuesit ligjor”, njoftoi policia e Korçës.
Në drejtimin e Prokurorisë vijojnë hetimet për dokumentimin e plotë të këtij rasti dhe për kapjen e autorit të dyshuar. r.k
