Ish-deputeti i Partisë Socialiste Jurgis Çyrbja u arrestua këtë mbrëmje nga policia pas një urshër arresti të lëshuar me kërkesën e SPAK.
Jurgis Cyrbja arrestohet si i dyshuar për kryerjen e veprave penale të “Korrupsioni altiv në zgjedhje”, parashikuar nga neni 328 i Kodit Penal; “Përkrahja e autorit të krimit”, parashikuar nga neni 302/1/2 të Kodit Penal si dhe “Tregëtimi i sekretit shtetëror nga shtetasit” parashikuar nga neni 295/1 i Kodit Penal.
Çyrbja u mor i pandehur nga SPAK pak kohë më parë dhe besohet se po hetohet për shpërdorim detyre në kohën kur ka drejtuar Kadastrën e Durrësit në periudhën 2013-2016 pas kallëzimit të deputetit të PD, Edi Paloka më 2021.
Disa ditë më parë Jurgis Çyrbja dorëzoi mandatin e deputetit të PS.
Arrestimi erdhi pasi u gjet se Çyrbja kishte shpërdoruar detyrën në 4 raste kur drejtonte Hipotekën Durrës, që kanë të bëjnë me praktika për trajtimin e pronave në qytetin e Durrësit me përfundim tjetërsimin dhe dublikimin e pronave. a.b
