Një drejtues mjeti mbeti pa jetë këtë pasdite në Fier gjatë një aksidenti. Ngjarja ndodhi kur një autobot u përplas me një traktor në Kashtbardhë.
“Rreth orës 18:30, në aksin rrugor “Lushnjë-Berat”, një autobot i ngarkuar me lëndë hidrokarbure me drejtues shtetasin P. P., është përplasur me një mjet bujqësor me drejtues shtetasin A. T.
Nga përplasja ka humbur jetën në spital drejtuesi i autobotit, shtetasi P. P.”, njoftoi policia e Fierit.
Ndërkohë shërbimet e Policisë kanë shoqëruar shtetasin A. T., në Komisariatin e Policisë Lushnjë për veprime të mëtejshme. m.k
