Dy persona humbën jetën në Has kur shtëpia e tyre u përfshi nga flakët. Ngjarja ndodhi në fshatin Nikoliq dhe nga 3 familjarët, vetëm një arriti të shpëtonte.
“Rreth orës 02:00, në fshatin Nikoliq, dyshohet se aksidentalisht ka rënë zjarr në banesën e shtetasit Rexh Lushi.
Si pasojë e zjarrit, kanë humbur jetën shtetasi Rexh Lushi dhe nëna e tij, shtetasja Fatime Lushi, ndërsa bashkëshortja e shtetasit R. L., shtetasja A. L., ka mundur të dalë nga banesa”, njoftoi policia e Hasit.
Grupi hetimor, në drejtimin e prokurorit, po punon për përcaktimin e shkakut të rënies së zjarrit. r.k
