Gjyqi në Apel për rastin ‘Babalja’ është shtyrë sërish ndërsa deputeti Ervin Salianji ndërroi sot avokatët.
Salianji ndodhet në Apel pasi kundërshton dënimin me 1 vit burg, për të në lidhje me vëllain e Fatmir Xhafës, Geron Xhafa.
Avokatët e rinj janë Redi Ramaj dhe Marash Logu të cilët kërkuan kohë të njihen me dosjen, duke pretenduar se ishin caktuar vetëm ditën e djeshme.
Situata ngjalli reagim të avokatit të Geron Xhafajt, palë e dëmtuar në proces, që e konsideroi si përpjekje për zvarritje. “Për ne eshtë pjesë e kesaj loje për ta shtyrë ketë cceshtje dhe asgjë më tepër”, tha avokati Ardian Visha.
