Një 22-vjeçar shqiptar ka mbetur i plagosur mbrëmë pas mesnatës në rrugën Dodekanision, Peristeri në Athinë.
Dhjonis Kapllani
Raportohet se persona që udhëtonin me një mjet tip Audi kanë qëlluar me armë zjarri drejt një automjeti tip Smart duke lënë të plagosur Dhjonis Kapllanin.
Pëumbat kanë ardhur nga një “Audi” Q2 me targa ZNZ-5931 që ka ndjekur automjetin tip “Smart” ku udhëtonte si pasagjer shqiptari.
“Në momentin që të dyja mjetet kanë ndaluar, nga “Smart” zbret Dhjonisi Kapllani, ndaj të cilit është hapur zjarr nga brenda mjetit “Audi”. Nga të shtënat ka mbetur i plagosur në kofshë 22 vjecari shqiptar. Pas kësaj të dyja mjetet janë larguar me shpejtësi në drejtim të paditur duke lënë të plagosur Kapllanin”, njoftojnë mediat greke. Autori dyshohet të jetë një grek.
Dhjonis Kapllani rezulton se kishte vetëm pak orë që kishte lënë burgun pasi ishte dënuar për organizatë kriminale dhe trafik droge.
Gjithashtu në vitin 2022 ai së bashku me persona të tjerë ka qëlluar me armë zjarri ndaj mjetit të një shtetasi grek për mosmarrëveshje personale. Ndërsa në qershor 2021 eshte kapur bashkë me 3 shqiptarë të tjerë me 2 kg kokainë, 5,5 kg marijuanë. r.k
