GJKKO rrëzoi sot një vendim të SPAK në lidhje me ish n/kryetarin e bashkisë së Kukësit, Granit Gjana.
SPAK kishte paraqitur pranë Gjykatës kërkesën me objekt: Miratimin e “Marrëveshjes mbi Pranimin e Fajësisë dhe Caktimin e Dënimit”, të lidhur më datë 01.03.2023 midis Prokurorisë së Posaçme kundër Korrupsionit dhe Krimit të Organizuar dhe të pandehurit Granit Gjana, i cili akuzohet për kryerjen e veprës penale “Shkelje e barazisë së pjesëmarrësve në tendera apo ankande publike”, në dy raste, parashikuar nga neni 258/2 i Kodit Penal.
Në seancën e sotme Gjykata e Posaçme e Shkallës së Parë për Korrupsionin, me trup gjykues të përbërë ngagjyqtarët Erjon Bani, Flora Hajredinaj dhe Elsa Ulliri, vendosi refuzimin e miratimit të “Marrëveshjes mbi Pranimin e Fajësisë dhe Caktimin e Dënimit” dhe vijimin e hetimeve.
Gjana akuzohet për kryerjen e veprës penale “Shkelje e barazisë së pjesëmarrësve në tendera apo ankande publike”, në dy raste, parashikuar nga neni 258/2 i Kodit Penal. a.b
