Një sasi eksplozivi shpërtheu gjatë natës në një banesë në Shkodër. Banesa i përket një gruaje 62 vjeçe.
“Rreth orës 03:40, në lagjen “Tom Kola”, Shkodër, tek porta e oborrit të banesës së shtetases Frida Sala, 62 vjeçe, është hedhur lëndë plasëse. Si pasojë janë shkaktuar vetëm dëme materiale.
Sala punon në doganën e Hanit të Hotit tek peshorja.
Menjëherë në vendngjarje kanë shkuar forcat e Policisë të cilat vijojnë kontrollin në zonë”, njoftoi policia e Shkodrës.
Ndërkohë grupi hetimor po kryen veprimet për sqarimin e rrethanave të ngjarjes, identifikimin dhe kapjen e autorit. a.b
