Një grua u gjet pa jetë sot në tarracën e një pallati në Durrës. Gruaja 50 vjeçe dyshohet se është vetvarur.
“Rreth orës 18:00, në tarracën e një pallati, në lagjen nr. 1, Durrës, është gjetur e pajetë, dyshohet e vetëvarur, shtetasja A. D., 50 vjeçe, e cila vuante nga probleme të shëndetit mendor”, njoftoi policia.
Mëngjesin e sotëm, në Komisariatin e Policisë Durrës, ka bërë kallëzim bashkëshorti i shtetases A. D., se ajo ishte larguar nga banesa në mëngjes dhe nuk ishte kthyer më.
Grupi hetimor po punon për sqarimin e rrethanave të rastit. m.k
