Në pranga, të dy personat e përfshirë në konfliktin me armë duke qëlluar ndaj Ardit Jolldashit në Pogradec
Sekuestrohen dy armët e zjarrit, të përdorura nga autorët e krimit.
Konkretisht u vunë në pranga shtetasit Deist Meko, 32 vjeç dhe K. L., 27 vjeç, banues në Pogradec.
Të dy, gjatë një konflikti të çastit, me Jolldashin dyshohet se kanë qëlluar me armë zjarri në drejtim të tij, i cili për pasojë mbeti i plagosur dhe ndodhet për mjekim në spital.
Në cilësinë e provës materiale u gjetën dy armët e zjarrit që dyshohet se u përdorën në konflikt, nga autorët e krimit, të cilat u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme. r.k
