Presidenti rus Vladimir Putin kërkohet për akuza të besueshme në lidhje me rolin e tij të dyshuar në krimet e luftës në rajonet e pushtuara.
Presidenti Putin akuzohet se është përgjegjës për deportimin e fëmijëve nga Ukraina në Rusi. Moska gjithmonë ka mohuar kryerjen e mizorive që nga pushtimi. Kremlini tha se urdhrat janë “të pavlefshëm” pasi Rusia nuk e njeh GJPN-në dhe nuk ka nënshkruar Statutin e Romës, traktatin që mbështet gjykatën e përhershme botërore për krimet e luftës.
Ndërkohë, zonja Lvova-Belova tha se urdhër-arresti i saj vërtetonte punën e saj “duke ndihmuar fëmijët e vendit tonë”.
Në një deklaratë, gjykata konstaton se presidenti rus është “përgjegjës për krimin e luftës të dëbimit të paligjshëm të popullsisë (fëmijëve) dhe atë të transferimit të paligjshëm të popullsisë (fëmijëve) nga zonat e okupuara të Ukrainës në Federatën Ruse”.
ICC tha se dhoma e saj e procedurës paraprake gjeti se kishte “baza të arsyeshme për të besuar” se dy të dyshuarit janë përgjegjës për krimet e supozuara të luftës dhe se Putin “mbart përgjegjësi penale individuale”.
Rusia ka sjellë mijëra fëmijë ukrainas në Rusi, por e ka paraqitur programin si një fushatë humanitare për të mbrojtur fëmijët e braktisur dhe jetimët në zonat e konfliktit. r.b
