Endri Fuga ka deleguar kompentencat e tij si drejtor i Agjencisë për Media tek zëvëndësdrejtori i tij deri në fund të vitit 2023 duke lënë kështu disa nga detyrat më të rëndësishme të drejtorit.
Nuk dihen arsyet e këtij largimi të gjatë nga punët e qeverisë por ndërkohë ai nuk ka dhënë dorëjeqje nga posti.
Fuga është ndoshta censori më i madh i medias që ka njohur vendi pas vitit 1990. Dyshohet se përmes mbështetjes së paligjshme financiare apo mbështetje të ligjshme por jo etike, për media afër qeverisë, struktura të komunikimit në qeveri dhe ministri, kanë deformuar tregun e mediave duke lënë ‘pa bukë’ media që drejtohen nga gazetarë me integritet dhe kritikë me qeverinë.
Kjo ka sjellë që dhjetra portale, talk showt në televizione kresore në vend dhe disa nga zërat më prezentë të analizës të jenë të shëndetshëm financiarisht për sa kohë që mbështesin qeverinë. a.b
Njoftimi:
URDHËR
Nr. 18, datë 28.2.2023
PËR DELEGIM KOMPETENCE
Në mbështetje të neneve 28 dhe 29, të ligjit nr. 44/2015, “Kodi i Procedurave Administrative i Republikës së Shqipërisë”,
URDHËROJ:
1. Delegimin e kompetencave z. Alteo Hysi, zëvendësdrejtor i përgjithshëm i Agjencisë për Media dhe Informim, për të gjitha procedurat që lejon ligji, për aq sa është e mundur dhe në përputhje me legjislacionin në fuqi.
2. Kompetencat e deleguara do të ushtrohen për periudhën nga data 28.2.2023 deri në datën 31.12.2023.
3. Për zbatimin e këtij urdhri ngarkohet z. Alteo Hysi, zëvendësdrejtor i përgjithshëm i Agjencisë për Media dhe Informim.
4. Ky urdhër hyn në fuqi menjëherë dhe botohet në Fletoren Zyrtare.
DREJTOR I PËRGJITHSHËM
Endri Fuga
