Zëvendëskryeministri i Kosovës Besnik Bislimi prezantoi sot kornizën mbi të cilën do të krijohet asociacioni.
Bislimi u shpreh gjatë fjalës së mbajtur në Komitetin për Politikën e Jashtme të Parlamentit Evropian, se Kosova ka treguar një qasje konstruktive gjatë bisedimeve me Serbinë, duke pranuar planin evropian për normalizimin e marrëdhënieve.
Bislimi theksoi se Prishtina nuk e pranon Asociacionin një etnik, çka do të thotë se nuk pranon autonomi territoriale por vetëm organizatë joqeveritare ndërsa theksoi tri kushte kryesore për formim të Asociacionit.
“Asociacioni duhet të jetë në përputhje me ligjet e Kosovës, duhet të jetë në përputhje me qëndrimet e BE-së se nuk mund të ketë fuqi ekzekutive, siç është thënë në letrën që ish-Përfaqësuesja e Lartë, Federika Mogherini, ia kishte dërguar atëbotë kryeministrit të Kosovës. Së treti, që Asociacioni të mos paraqesë nivelin e tretë të pushtetit”, u shpreh ai.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
