Rreth orës 03:50, në lagjen Dobraç, ka shpërthyer një sasi lënde plasëse, përpara banesës së shtetasit Pëllumb Shpati, me detyrë shef i Seksionit për Hetimin e Krimeve, në Komisariatin e Policisë Shkodër.
Si pasojë janë shkaktuar dëmtime të lehta në banesën e tij, si dhe është dëmtuar automjeti i tij.
Grupi i posaçëm hetimor i ngritur për zbardhjen e kësaj ngjarjeje, nga veprimet e para hetimore, ka siguruar prova që do të çojnë në identifikimin dhe kapjen e autorit/ëve.
“Në banesë jetojmë 3 familje, 17 vetë në shtëpi, jemi terrorizuar. Shpërthimi ka ndodhur për shkak të dëtyrës së djalit , nuk kemi patur konflikte me njeri. Shpërthimim ishte i fuqishëm u dëmtuan muri, dyert , dritaret. Nuk i kam njeriu borxh, as me ka njeri borxh- tha babai i Pëllumb Shopatit, Gjergj Shpati.
Nën drejtimin e Prokurorisë pranë Gjykatës së Rrethit Gjyqësor Shkodër, vijon puna për zbardhjen e rrethanave të kësaj ngjarjeje.
