Ministri i Brendshëm, Bledar Çuçi, gjatë konferencës me gazetarët komentoi sot zhdukje e Ervis Martinaj.
Sipas tij ngjarje me një personazh të tillë kërkojnë kohë dhe nuk ka një shkop magjik që të zbardhë menjëherë një ngjarje.
“Padiskutim që ka pasur një vëmendje të posaçme për të zbardhur gjithë këtë mjegull që është ngritur rreth fatit të tij. Policia ka bërë dhe bën punën, por dhe ka komunikuar me publikun lidhur me këtë. Keni qenë të informuar gjatë kësaj periudhe për veprime të ndryshme policore që ka ndërmarrë dhe që lidhen me zbardhjen e kësaj ngjarjeje
Policia e shtetit vepron sipas ligjeve dhe ka përgjegjësi ligjore për zbardhjen e ngjarjeve, dhe do merrni përgjigje përfundimtare kur të ketë një provë të fortë lidhur me atë që ka ndodhur me këtë personazh. Nuk ka një shkop magjik që të zbardhë menjëherë një ngjarje, aq më tepër në lidhje me një personazh të tillë”, tha ministri Çuçi. a.b
