Mjeku i njohur i QSUT, Prof. Ilir Ohri është ndarë nga jeta këtë pasdite.
“Nje humbje e madhe kjo ne radhe te pare per familjen e tij te mire, per Sherbimin e anestezi-reanimacionit, shef i te cilit ai ishte prej shume vitesh…
…deri pak caste me pare kur ai u nda nga ne.
U nda padyshim shume heret si moshe, por duke lene mbas nje pune, aktivitet, krijimtari te pa fundme.
Duke u bere shembul e model i ndershmerise, aftesise, pa pertueshmerise ne te gjithe vitet e punes se tij.
Pune e cila karakterizohet me nje sherbim, qe funksionon ne menyre moderne, mijra studente e specializante, qe kane “kapercyer” auditoret e tij.
Mijra ish paciente te tij, qe u eshte zgjatur jeta ose vazhdojne akoma te jetojne.
Nje humbje e vertete e dhimbeshme kjo.
Ilirin e dashur do ta kujtojme gjithmone me respekt e dashuri te vertete.
Ngushellimet me te sinqerta familjes se tij, kolegeve, miqve, pacienteve, qe e kane ndjere kujdesin e tij, te gjitheve!
Do te na mungoje shume”, shkruan ndër të tjera Tritan Shehu, ish mjek anestezist dhe dikur shef shërbimi në QSUT.
Edhe ministrja e Shëndetësisë Ogerta Manastirliu ka ngushëlluar për humbjen e mjekut të njohur.
”Kështu do ta kujtoj gjithmonë prof. Ilir Ohrin, me mirësinë e mençurinë që përcillte tek të gjithë, tek pacientët që i shërbeu, për mijëra studentët që përgatiti dhe për mjekët e kolegët, që i mbështeti si rrallë kush.
Shumë e hidhëruar për ndarjen nga jeta të prof. Ohrit, Shef i Shërbimit të Anestezi-Reanimacionit, një profesionist i shkëlqyer e njeri i rrallë, me kontribut të çmuar në zhvillimin e shërbimit të anestezi- reanimacionit në nivel kombëtar. Prof. Ohri ka një vend nderi në mjekësinë shqiptare!
Ngushëllime të ndjera familjes, kolegëve, mjekëve e studentëve që humbën sot njeriun e dashur dhe profesionistin me vlera të veçanta.
U prehesh në paqe Prof. Ohri”, shkruan Manastirliu. m.k
