Ish prokurorja Antoneta Sevdari fitoi gjyqin në Strasburg kundër KPA ndërsa Shqipëria u gjobit me 25 mijë euro.
Strasburgu shprehet se kjo ndodhi në kundërshtim me ligjin ndërsa kundër shkarkimit të saj ishte edhe Operacioni Ndërkombëtar i Monitorimit.
Opinioni i vëzhguesit Ferdinando Buatier de Mongeot, i publikuar nga ONM si mendim pakice, vë në dukje se shumica në KPA që vendosi për shkarkimin e Sevdarit, nuk kishte prova dhe se përcaktimi për “deklarim të pamjaftueshëm” ishte bërë në interpretim të gabuar të ligjit.
Sevdari u shkarkua më 28 shkurt nga KPA me shumicë votash, pasi vendimi për konfirmimin e saj nga Komisioni i Pavarur i Kualifikimit ishte apeluar nga Komisioneri Publik. Sipas vendimit të zbardhur relatori Sokol Çomo, kryesuesi Luan Daci, anëtarët Ardian Hajdari dhe Rezarta Schuetz votuar për shkarkimin e Sevdarit. a.b
