“Për betimin që kam bo…”, këto kanë qënë fjalët e vetme të personit që goditi kreun e opozitës Sali Berisha para se të merrej nga policia.
Ai është marrë nga duart e militantëve nga Erzen Breçani, i angazhuar për mbrojtjen e ish-kryeministrit, njëkohësisht ish-zevendësdrejtori i Policisë së Shtetit.
Brecani e ka pyetur se ku e ka gjetur unazën me të cilën qëlloi Berishën dhe se kush e ka futur që të bëjë atë gjest, por përgjigjia e vetme që merr është: Për betimin që kam bo!
Pjesë nga biseda mes tyre, zbardhur nga faxweb:
Erzen Breçani: Ku e gjete unazën e? Ku e gjete unazën? Ku e ke gjetur? Kush të ka futur ty këtu? Kush të ka fut…
Gert Shehu: Për betimin që kam bo…
Erzen Breçani: Lëshoje more, ik anej ti mos e prek. Mos ndërhy se është në dorë teme, s’e prek kush. Ik anej mer. Orrr. a.b
