Një ngjarje e rëndë ka ndodhur në Kosovë përpara Materniteti të Prishtinës, ku një grua shtatzënë rreth 35 vjeç raportohet se është vrarë.
Sipas mediave të Prishtinës, gruaja dyshohet që të jetë vrarë nga bashkëshorti.
Ndërsa policia ka nisur hetimet për këtë ngjarje dhe po punon për zbardhjen e plotë të rrethanave.
“Rreth orës 18:00, kemi pranuar informatën për një trup të pajetë, në oborrin e QKUK-së në Prishtinë. Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen e viktimës, femër, rreth 35 vjeç. Mbështetur në informacionet e para, dyshimet e ngritura sugjerojnë se bëhet fjalë për vrasje.
Aktualisht policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim sqarimin e plotë të ngjarjes”, thuhet në informacionin paraprak të Policisë së Kosovës. /tvklan.al
