Pas 16 orë kërkimesh u gjetën trupat pa jetë të babit dhe të birit në Malësinë e Madhe që u rrëmbyen dje nga lumi.
Ngjarja ndodhi në vendin e quajtur “Grykë Lugje”, në njësinë administrative Shkrel, Malësi e Madhe, kur rrjedha e ujit të përroit kishte marrë përpara një automjet me të cilin udhëtonin tre persona, banorë të zonës. (babai, Pjetër Rushaj, djali dhe vajza).
“Pas 16 orë kërkimesh intensive, gjatë pasdites së djeshme, gjatë natës dhe gjatë mëngjesit të sotëm, nga polumbarët e RENEA-s, grupi i evakuim-shpëtimit, grupi alpin i FNSH Shkodër, emergjencat civile dhe shërbimet e Komisariatit të Policisë Malësi e Madhe, në gjatësinë e përroit, në Bogë, u bë e mundur gjetja e dy trupave (babë e bir)”, njofton policia. a.b
