Makina e djegur gjatë natës në Lezhë i përket biznesmenit të hidrokarbureve, Ndue Pjetrushi.
Ngjarja ndodhi në Ishull Shëngjin të Lezhës rreth orës 04:00 dhe veç dëmeve materiale, nuk ka persona të lënduar. Mjeti ka qenë i parkuar në anën e një rruge, pranë Bordit të Kullimit.
“Rreth orës 3:50 kam dëgjuar një shpërthim, si shpërthim i mbytur. Kam dalë në ballkon dhe e kam parë makinën duke u djegur. Në moment kam lajmëruar policinë, kanë ardhur, erdhi dhe zjarrfikësja bashkë me to, bënë ato procedurat e veta. S’kam asnjë konflikt me kërkënd. Besoj të gjithë që më njohin e dinë që s’jam i problemeve”, thotë Pjetrushi për tv Klan.
Kamerat e sigurisë kishin dalë jashtë funksionit prej më se një jave. Policia nga ana e saj njofton se po punon për zbardhjen e plotë të kësaj ngjarjeje.a.b
