‘Pronari’ i 90 për qind të mediave të Tiranës Endri Fuga nuk është paraqitur sot në Komision. Edhe pse është ministri i shtetit për informacionin ai është i vetmi në llojin e tij që gazetarët nuk e kanë parë ndonjëherë aq më pak të flasë ndonjë fjalë për ta.
Deputetja Ina Zhupa thotë se ai nuk mund të përballet në komision.
”Ministri i Propagandës Endri Fuga nuk u paraqit në mbledhjen e komisionit për të paraqitur buxhetin e agjencisë së medias pa asnjë arsye objektive.
Ministri i industrisë më të madhe prodhuese të qeverisë pikerisht propagandë qeveritare, e quan buxhet të parëndësishëm 117.300.000 lek ( dmth 1.17 milard lek) nga paratë e taksapaguesve shqiptar për tē prodhuar like, share dhe lajme të rreme.
Pamundësia për tu përballur me mungesën e transparencës dhe informacionit që ka sot qeverisja ne cdo nivel, shpjegon qartë arsyen reale të mungesës së tij”, deklaron deputetja Ina Zhupa. a.b
