Një motor u përplas sot me anësoret e rrugës në një fshat të Kuçovës duke shkaktuar vdekjen e një personi.
Një grua 46 vjeçe humbi jetën ndërsa ishte pasagjere në motor.
“Ne rrugën rurale të fshatit Goraj, Perondi, shtetasi L.P., 20 vjeç, duke drejtuar një motomjet ka humbur kontrollin dhe është përplasur me bordurat e rrugës.
Si pasojë e aksidentit ka humbur jetën, pasagjerja në motomjet shtetasja M.P., 46 vjeçe”, njoftoi policia.
Grupi hetimor ndodhet në vendngjarje dhe po punon për zbardhjen e shkaqeve të aksidentit.
