Një aksident tragjik ka ndodhur mbrëmjen e sotme në autostradën Levan-Tepelenë, në vendin e quajtur Buzmadh.
Informacionet e para flasin për dy persona të vdekur ndërsa janë plagosur 4 të tjerë.
Zjarrfikësja dhe ambulanca ndodhen në vendngjarje. m.k
Detajet e policisë:
Sot rreth orës 20:20, në aksin rrugor Levan-Tepelenë, në fshatin Buzëmadh, janë përplasur automjetet tip “Zafira” dhe “Ford”.
Si pasojë e përplasjes kanë ndërruar jetë dy shtetas dhe janë plagosur katër të tjerë.
Grupi hetimor ndodhet në vendngjarje dhe po punon për zbardhjen e shkakut të aksidentit si edhe identifikimin e personave që janë plagosur dhe kanë ndërruar jetë.
