Sulmohet me mjete të forta një efektiv i policisë së Gjirokastrës.
Sokrat Mujo është qëlluar me levë në kokë dhe është dërguar me urgjencë drejt spitalit Omer Nishani në Gjirokastër.
Deri tani nuk dihen ende shkaqet që kanë çuar në lëndimin e rëndë të efektivit, dhe as motivet e autorit. a.b
Detajet e policisë:
Rreth orës 12:45, në vendin e quajtur “Ura e Lumit”, Gjirokastër, persona të paidentifikuar kanë goditur me sende të forta shtetasin S. M., punonjës policie i DVKM Gjirokastër, jashtë orarit të punës, i cili është transportuar në Spitalin Rajonal Gjirokastër, për të marrë ndihmën mjekësore.
Është identifikuar dhe shpallur në kërkim njëri nga autorët e dyshuar, shtetasi G. Zh.
Në vendngjarje kanë shkuar shërbimet e Policisë dhe janë ngritur pika kontrolli në hyrje dhe dalje të qytetit, me qëllim kapjen e shtetasit G. Zh., identifikimin dhe kapjen e autorëve të tjerë.
