Dakin pamjet nga aksidenti tragjik në aksin Lezhë Shkodër ju humbln jetën cifti polak që kishte ardhur në Shqipëri për turizëm.
Siç shihet dhe nga pamjet, mjeti me të cilin ata udhëtonin, motor, ka përfunduar i shkatërruar plotësisht pas përplasjes me një golf.
2 viktimat kanë qenë çift bashkëshortësh, dhe kishin ardhur për qëllime turizmi në Shqipëri.
Policia ka shoqëruar drejtuesin e mjetit tip Golf, dhe po hetohet në lidhje me shkaqet e aksidentit.
Shkodër/Informacion paraprak
Rreth orës 11:20, në rrugën nacionale Shkodër – Lezhë, në vendin e quajtur “Kryebushat”, një automjet tip “Volkswagen”, me drejtues shtetasin D. Gj., 27 vjeç, është përplasur me një motomjet, në të cilin udhëtonin 2 shtetas të huaj polakë (turistë).
Si pasojë e përplasjes kanë ndërruar jetë drejtuesi i motomjetit, shtetasi W. M., 45 vjeç dhe pasagjerja në motomjet, shtetasja M. M., 42 vjeçe.
Drejtuesi i automjetit, shtetasi D. Gj., është shoqëruar në Komisariatin e Policisë Shkodër, për veprime të mëtejshme procedurale. Nga kryerja e alkool-testit ndaj drejtuesit të automjetit, shtetasit D. Gj., ka rezultuar se nuk kishte konsumuar alkool.
Grupi hetimor ndodhet në vendngjarje dhe po kryhen veprimet për sqarimin e rrethanave të aksidentit. r.k
