Ish kryeministri, Sali Berisha tha sonte në Open të Eni Vasilit, se dështoi mbledhja e grupit parlamentar të thirrur nga Enkelejd Alibeaj. Pjesa më e madhe e deputetëve i dolën kundër qëndrimeve të tij mbi bisedimet me qeverinë për kandidaturën e presidentit.
”Dështoi plotësisht nuk realizoi asgjë në mbledhje. Deputetët ia kundërshtuan plotësisht qëndrimet dhe doli si një ministër i Edi Ramës. Partia përfaqësohet nga forume të zgjedhura. Shumë shpejt të gjithë do jenë në aktivitetet e PD. Le të bëjnë ç’të duan ata që hiqen si ministra të Edi Ramës”, tha Berisha.
Pyetje: Pse 35 deputetë nuk morën pjesë në Kuvendin e 30 Prillit?
Berisha: Janë në meditim.
Jam i bindur se deputetët do jenë tek shumica. Unë kam besim në botëkuptimin e tyre dhe ndërgjegjien e tyre politike. m.k
