Tri gra në Vlorë u mbyllën sot në një dyqan duke deklaruar se nuk do të dalin që aty për shkak se janë mashtruar nga firma që i mori shtëpitë për të ndërtuar pallat.
”Dhamë shtëpinë për të bërë këtu pallat. E kishin pronarët para se të bënim ne aktmarrëveshje. U prishën shtëpitë nuk filloi pallati filloi karburanti. Kemi 10 vite nëpër prokurori, për mashtrim. Na kanë marrë edhe paratë e qirasë. Unë jam lodhur shumë.
Unë e kam vendosur, më vjen keq vetëm që nuk do shikoj nipërit e mi. Qëllimin e jetës time unë e kam plotësuar. Jetova për të parë njerëz të korruptuar, nuk i mposhta dot. Unë e kam vendosur do vetëflijohem”, tha njëra nga gratë e mbyllura në një dyqan. a.b
Vlorë/Informacion paraprak
Më datë 26.04.2022, rreth orës 11:05, në lagjen “10 Korriku”, janë futur në një dyqan në katin e parë të një pallati, 3 shtetase, të cilat për shkak të një konflikti pronësie me investitorin e pallatit, kërcënojnë se do të kryejnë vetëvrasje.
Në vendngjarje ndodhen shërbimet e Policisë, të cilat po negociojnë për zgjidhjen e situatës.
