Në mëngjesin e së hënës në Durrës janë numëruar 177 nga 337 kuti sipas të dhënace të KQZ.
Rezultati është: Emirjana Sako 20158 vota, ose e thënë ndryshe 57.6%, Ardian Muka 10075 vota, 28.8% dhe Luan Hoti 4742 vota ose 13.6%.
Në Shkodër janë numëruar 139 nga 250 qendra votimi në total.
Kandidati i Shtëpisë së Liruisë, Bardh Spahia kryeson me 12037 vota, e ndjekur nga Majlinda Angoni me 10699 vota dhe Xhemal Bushati me 4244 .
Nëse kjo diferencë mes vendit të parë dhe të dytë do të ngushtohet, në më pak se 1177 vota, atëherë zgjedhjet për bashkinë e Shkodrës rrezikojnë të përsëriten.
Kjo për shkak se në 3 qendra votimi, 2 në Shosh dhe 1 në Pult, dje nuk u mbajt procesi zgjedhor për shkak të kushteve të vështira të motit.
Derimë tani procesi i numërimit ka përfunduar në Vorë, ku votimi u bë në mënyrë elektronike, dhe fitues u shpall përfaqësuesi i PS-së Blerim Shera, i ndjekur nga kandidati i Shtëpisë së Lirisë.
Po ashtu numërimi ka përfunduar në Bashkinë Rrogozhinë, e cila po ashtu u fitua nga socialistët, ndërsa në vendin e dytë u rendit kandidati i PD-së.
Sipas të dhënave nga KQZ, votat në përqindje ndahen si më poshtë për Bashkinë e Rrogozhinës.
Partia Socialiste:
Edison Memolla – 5348 vota ose 60.73%
Partia Demokratike:
Ferdinand Saraçi – 1996 vota ose 21.96%
Koalicioni “Shtëpia e Lirisë”:
Hekuran Xhani – 1550 vota ose 17.31%
Në Bashkinë e Lushnjes janë numëruar 124 nga 157 kuti, rezultati është si më poshtë:
Eriselda Sefa, PS 16196 vota ose 57.8%
Elton Bano i Shtëpisë së Lirisë, 8859 vota, ose 31.6% dhe Indrit Sefa i PD 2981 vota, ose e thënë ndryshe 10% të votave. r.p
