Ish kryeministri Sali Berisha mbajti një takim sot në Maqellarë të Dibrës në mbështetje të kandidatit të ‘Shtëpisë së Lirisë’, Premtim Kryemadhi.
Gjatë fjalës së tij ai foli edhe për çështjen e inceneratorëve.
“Komisionin hetimor e mbyllën para një muaji dhe kur i denoncova në parlament, u detyruan ta rikthejnë përsëri vetëm për luftë të brendshme midis njëri-tjetrit.
Në vijim Berisha tha se demokratët në pushtet do jenë kundër ndërtimit të hidrocentralit të Skavicës që do përmbysë tokat e Dibrës.
“Më 6 mars duhet të votojmë për shpresën. Ndaj dhe duhet të votojmë për ndryshimin. 5 kryetarë bashkie, në mënyrë të turpshme, ndërroi qeveria e Edi Ramës në Dibër këto vite.
Nuk do lejojmë ndërtimin e Skavicës. Kjo trevë nuk përmbytet kurrë. Ajo do qëndrojë siç e ka bërë Zoti. Të harrojnë se do përmbysin një pëllëmbë tokë. Nëse duan të ndërtojnë Skavicën, e kanë projektin. U them të heqin dorë, nuk përmbytet Dibra. Ajo u ka rezistuar pushtuesve në mënyrën më heroike. Edi Ramën nuk e ka gjë fare,” tha Berisha.
Më pas Berisha u tha demokratëve se Lulzim Brava ju tradhëtoi.
“Kam një përshëndetje për ju që kapët atë atë kriminelin që blinte vota këtu në Maqellarë. Po ku është ai sot? Është i lirë, pasi Lulzim Brava ju tradhtoi. Nëse do mbronte votat siç i mbrojtën demokratët e Maqellarës, do ishim në pushtet. Po ai e kishte mendjen që të qeveriste me Ramën. Në fakt, atë Rama e kishte marrë peng. Kjo është e vërteta absolute”, tha Berisha. a.b
