38,4% e votuesve të Partisë Demokratike do të zgjidhnin Sali Berishën për kryetar në rast se zgjedhjet brenda partisë do të mbaheshin sot, transmeton tv euronews mbështetur mbi një sondazh të porositur nga ky televizion.
Për Lulzim Bashën kryetar shprehin pëlqim 28,3% kurse 33,3% preferojnë një kryetar tjetër për të drejtuar PD-në.
Kandidatët e tjerë më të pëlqyer nga demokratët janë Agron Shehaj (6,3%), Grida Duma (5.4%) dhe Belind Këllëçi (4.1%).
Ndërsa 17,5% e atyre që duan një kryetar të ri, shprehen se do të preferonin një tjetër figurë e ndarë në përqindje të vogël.
Gjetjet janë rezultat i anketës për periudhën 13-24 janar 2022, kryer nga MRB dhe Data Centrum në nivel kombëtar me 1000 intervista ballë për ballë. Euronews.al
