Sekuestrohen nga policia e Tiranës 1 kg e 34 gramë lëndë e dyshuar narkotike kokainë, një automjet dhe një aparat celular ndërsa vihet në pranga një person.
U bë arrestimi në flagrancë i shtetasit: B. T., 55 vjeç, banues në Bërxullë.
Detajet:
Në rrugën “Jordan Misja”, shërbimet e Policisë, kanë lokalizuar dhe arrestuar në flagrancë shtetasin B. T., 55 vjeç, të cilit gjatë kontrollit të automjetit iu gjet dhe sekuestrua në cilësinë e provës materiale 1 kg e 34 gramë lëndë e dyshuar narkotike kokainë.
Vijon puna për identifikimin dhe kapjen e personave të tjerë të përfshirë në këtë veprimtari kriminale.
Materialet i kaluan Prokurorisë së Rrethit Gjyqësor Tiranë, për veprime të mëtejshme, për veprën penale “Prodhimi dhe shitja e lëndëve narkotike”.
