Të paktën 100 kg kokainë e dyshuar që është futur përmes Portit të Durrësit është kapur sot pasdite nga policia pranë një kompanie bananesh në zonën e Vaqarrit, afër urës së Beshirit.
Burime bëjnë me dije për disa persona të arrestuar në flagrancë dhe të shoqëruar, por ende nuk dihet numri i tyre, emrat dhe roli parkatës që kanë patur në këtë aktivitet të paligjshëm.
Autoritetet kanë mbajtur nën mbikëqyrje për 3 ditë ngarkesën në Portin e Durrësit pastaj gjatë rrugës për në zonën e Vaqarrit.
Droga e kapur e llojit kokainë, dyshohet se ka hyre pak ditë me parë nepermjet Portit të Durrësit nga konitenierë që transporton banane nga vendet e Amerikës Latine, nga një kompani e njohur transporti.
Droga është konstatuar në orët e para të mengjesit nga ana e autoriteteve. Kqyrja është ende në proces, ku nuk është përcaktuar ende sasia e saktë e kokainës.
